ئەبوبەکر شەریف زادەشێعر

خوساوتر لە باران – ئەبوبەکر شەریف زادە

خوساوتر لە باران

لێرە چیدی
ئێوارانی هەینی
بۆنی ژوان و پیاسە نادات
دەتگێڕمەوە نێو خەونی ئەو کۆڵانەی
لە بەر نیگام ڕێی هاتووچۆت لێگۆڕیوە،
فرمیسک دڵنیاییت پێنابەخشێ
و لە پشت پیاڵەێکی نیوەبەتاڵدا
خەریکی حاشا لەو ساتانە دەکەی باران چەتری سەرمان بوو،
چەترەکان خنکاوترن لە تینوێتی ساتەنەگریسەکان،
شەو و باران و من و…
ئەوچەترەی لە دەستمدا
نا ئەو…
دەستەی بە دەستی
چەترەکەوە شەتڵ بووە…
هەڵوەریوی ئێوارەێکی ناوەختین،
نامۆیی لە چاوماندا
تۆختر دەبێ و…
باران هەروا ڕیوایەتە
بۆ پەلکەزێڕینە و پەنجێرەو
ئەو سنەوبەرانەی
خوساوترن لە نیگای من،
پڕم لەمەرگ
لێوانلێوم لەدابڕان
لە کوێی ئەو چیڕۆکەدا جێماوی!؟؟
لە ئاپۆرەی خەیاڵمدا
شەقامێک ڕووت دەبێتەوەو
ژنێک
بە لێوی جگەرەکەمەوە کز دەسووتێ،

خوساوتر لە باران

ئەبووبەڪرشەریف زادە
بەهاری ۲۷۱۹

برچسب ها
پێداچون

هەر لەم بابەتە

پاسخی بگذارید

بستن