سۆران حوسێنیشێعر

کووچە – سۆران حوسێنی

کووچە


بێ تۆ لەو کووچەوە
ڕابووردمەوە مانگەشەوێ
بووە چاو گشتی لەشم
چاوم هەتا پێت بکەوێ
لە حەزی ژوانی تۆ سەر ڕێژەوە بوو
دەفری لەشم
شێتیەکەی عەشقی بەرێ
جارێکی تر بوو بە بەشم
لە نهێنخانەیی گیانم گوڵی یادی تۆ درەوشا
باخی سەد خاترە بزوا
عەتری سەد خاترە پڕژا
هاتە بیرم کە شەوێ
پێکەوە لەو کووچەوە چووین
هەڵفڕین و لە نێو ئەو چۆڵگە دڵخوازە گەڕاین
ساتێ لەو سەر جۆگە ماین
مانگ لە ئاوی وەر ئەدا پەلکەی خۆی
بۆ تریفەش لق ئەچوو پرژ و پۆی
شەو و بێروون و گوڵ و کەل
گشتی گوێی دابوو بە ئاوازی مەل
دێتەوە بیرم وتت پێم:
کە لە ئەم ئەشقە گەڕێم
دەمێ بڕوانمە ئەم ئاوە لە ڕێم
ئاو کە ئاوێنەی ئەوینێکی
زڕە

تۆش کە ئەمڕۆکە نیگات
وا بە نیگایێکی سڕە
لە دڵت دوور نیە
سۆزی بە حەزێ دی بە گڕە
با لە بیرت وە چێ
لەم شارە بڕۆ سات
و دەمێ
پێم وتی:
دوورە پارێزی ئەوین نازانم
چۆن سەفەر کەم لە کنت؛ ناتوانم
ڕۆژی ئەووەڵ کە دڵم
دای لە شەقەی باڵ بە تەمات
کۆترئاسایی بەرەو سوانەیی سەربانت ئەهات
تۆ بە کوچکەت لێ ئەدام
نەپرینگامەوە هەر هاتمە لات
پێم وتیشی:
کە ئەتۆی ڕاوچی ؛ منیش ئاسکی دەرێ
تا لە داوی تۆ کەوم
چەندین گەڕاوم شوێن و جێ
دوورەپارێزی ئەوین
ناکرێ لە بن
نایە لە من
هەڵوەری ئەسرینی پەل
ڕۆی بە دەم ناڵەوە مەل
ئەشکی چاوی تۆش لەری
مانگ بە عەشقت پێکەنی
دێتە بیرم کە ئیتر
لێم نەبیستی چ وەڵام
خستمە داوێنی کەسەر پام
نە هەڵاتم
نە لە ئەشقت دابڕام
ڕۆی لە تاریکی خەما
ئەو
شەوەو
شەوگاری تر
ناشگری
لەم ئەویندارە بریندارە خەبەر
نە دەکەی لەو کووچە جارێ دی گوزەر
بێ تۆ لەو کووچە بەڵام
من بە چ حاڵێ گوزەرام.


فەرەیدوون موشیری
و: سۆران حوسێنی – ۱۳۷۴

چۆن بوو؟

امتیاز کاربران: 4.7 ( 3 رای)
پێداچون

هەر لەم بابەتە

پاسخی بگذارید

بستن