سۆران حوسێنیشێعر

فووارەی جوانی – سۆران حوسێنی – کتێبی هەساو

فووارەی جوانی – سۆران حوسێنی

فووارەی جوانی ، ناوی شێعرێکی تایبەتی سۆران ‌حوسێنی یە. ئەم شێعرە لە کتێبی هەساو هەڵبژێردراوە.

فووارەی جوانی - سۆران حوسێنی - بنکەی ئەدەبی، فەرهەنگی، هونەری "بەڕۆژە"ی بانە

فووارەی جوانی

نیگات بارانی تیشکی زێڕوەشانی کاکەشانیە
کەشانی لاچاوێکی من
ئەگرێتە خۆ
ئەبێتە هۆ
زمانی چاوم بێتە گۆ و
برینی پڕ لە ئێش وژانی کۆنم بێتە سۆ
چ ڕازێکی یەزدانیە !؟
زوڵاڵی چاوت چاوەیەک لە کانی ئاسمانییە
هەر چی ساماڵە لەو دەکا
کە زیندەوەر لە خەو دەکا
مەجبۆۆری ڕەو لە شەو دەکا
کە مانەوەی لە تاقتی کەسا نیە!
ئەڵماسی تیژی تیشکی چاوەکانی تۆ بگاتە من
شەوارەیەک ئەداتە من
باوەڕ مەکەن وەشانەوی لە غەیری ژن
لە ژەوهەری ژنانییە
وەهام ئەڕازێنێتەوە خشلێکی دو جیهانییە!
ئەی شاگزینگی زێڕ بەزێن
فێنکترین تەزووی تەزێن
بە تاوی تۆوە چاوە گڕپژێنەکانم خوڕ دەزێن
چرووکی تۆ ڕەوا نییە
نێگات تیرێژی تیژی زێڕوەشانی کاکەشانیە
چ مانگە کوڵمەکانی تۆ لە بەر گزینگە کانی یا
لە ژێر برژانگەکانی یا
لە بەر پڕشنگەکانی یا
ئەهای!
کە شیری ڕەنگی شیرنی ڕێی کاکەشان
چ کاڵە یادی کوڵمەکانی یە
خەمێک بەڕۆکی گرتووە پێم
بە کێ بەڵێم
کە تێم بگات و تێ بگا کە چی ئەڵێم
کە شێعری چاوی سێحری ڕووت
کە سیحری چاوی شێعری رووت
فووارەیەک
لە جوانی جوانی جوانییە
لە جوانی هەر زەمانییە!!

فووارەی جوانی - سۆران حوسێنی - بنکەی ئەدەبی، فەرهەنگی، هونەری "بەڕۆژە"ی بانە

# فووارەی جوانی

برچسب ها
پێداچون

هەر لەم بابەتە

پاسخی بگذارید

بستن